Co Bayden: "Trampın xarici siyasət barədə anlayışı yoxdur"

Ölkə.Az "Anadolu" agentliyinə istinadən xəbər verir ki, ABŞ-ın vitse-prezidenti Co Bayden Demokratlar partiyasından ABŞ prezidentliyinə namizəd Hillari Klintonu dəstəkləmək üçün seçki kampaniyasında iştirak edib və onun rəqibi Respublikaçılar partiyasının namizədi, milyarder Donaldr Trampın ünvanına tənqidi fikirlər səsləndirib.

Onun sözlərinə görə, milyarderin xarici siyasət barədə anlayışı yoxdur və onun fəaliyyəti ölkənin təhlükəsizliyini təhdid altında qoyur. "Təsəvvür edin , bu insana nüvə silahının kodu verilsə nə olar",- deyə Bayden bildirib.

Vise-prezident Trampın NATO-ya dair "köhnəlmiş" bəyanatlarını da tənqid edib. Bayden Trampın bəyanatlarından sonra Latviya, Litva və Estoniyaya səfər edərək bu ölkələrə NATO-nun dəstəyini vəd edib.

"Ukraynadakı münaqişə səbəbi ilə Baltikyanı dövlətər öz təhlükəsizliklərinə görə narahatdırlar və Rusiyanı potensial təhdid kimi görürlər",- deyə vitse -prezident əlavə edib.

İlhamə
Ölkə.Az