Putin Çin liderinə dondurma hədiyyə edəcək

Ölkə.Az Rusiya KİV-lərinə istinadən xəbər verir ki, bu gün Uzaq Şərqdə rusiyalı və xarici biznesmenlərlə görüşən prezident Vladimir Putin çinli iş adamının söylədiklərindən heyrətə düşüb.

Məsələ bundadır ki, çinli biznesmen Rusiyadan Çinə dondurma ixracına icazə verilmədiyini bildirərək bu məsələdə kömək göstərməyi xahiş edib. Putin biznesmenin bu ricasından təəccüblənib.

"Doğrusu, mən Rusiya istehsalı olan dondurmalarının Çində bu qədər sevildiyini bilmirdim. Dondurma ixracına qadağa qoyulmasından da xəbərsizəm. Nə üçün? Bu ki, milli sərvət və ya mədəni irs deyil. İlk dəfə bu barədə eşidirəm. Madam ki, belədir, Çində Rusiya dondurması tapmaq mümkün deyil, onda mən Çin Xalq Rerspublikasının lideri Si Tszinpinə hədiyyə olaraq dondurma apararam, orda tapılmadığına görə bu xüsusi hədiyyə hesab edilməlidir",- deyə Putin zarafatla cavab verib.

Qeyd edək ki, Putin G 20-nin sammitində iştirak etmək üçün sentyabrın 3-də Çinə səfər edəcək.

İlhamə
Ölkə.Az