Obama və Putin yenə razılığa gələ bilmədi

Ölkə.Az "BBC"yə istinadən xəbər verir ki, Çində böyük iyirmiliyin (G-20) sammiti çərçivəsində ABŞ və Rusiya prezidentlərinin görüşü keçirilib.

Obama və Putinin hansı mövzuları müzakirə etməsi rəsmi şəkildə açıqlanmayıb.

Prezidentlərin göüşündə Rusiya xarici işlər naziri Sergey Lavrov, RF prezidentinin köməkçisi Yuri Uşakov və ABŞ dövlət katibi Con Kerrinin də iştirak etdiyi bildirilir.

Müzakirələrin əsas mövzusunun Suriyada döyüş əməliyyatlarında ABŞ və Rusiya qoşunlarının fəaliyyətinin kordinasiya edilməsi məsələsi olsa da, tərəflərin razılığa gələ bilmədiyi xəbər verilir.

Obama G-20 çərçivəsində Almaniyanın kansleri Angela Merkel və Fransa prezidenti Fransua Olland ilə ayrı-ayrılıqda görüşərək Ukraynanın şərqindəki vəziyyəti müzakirə dib.
Putin də öz növbəsində hər iki ölkənin lideri ilə müzakirələr aparıb.

Putin və Obama 2016-cı ildə ilk dəfə danışıqlar masasına əyləşiblər. Onların son görüşü ötən ilin noyabr ayında olmuşdu.

İlhamə
Ölkə.Az