İŞİD-dən insanları susdurmaq üçün

İŞİD cəlladları insanları susdurmaq üçün yeni qəddar cəza üsulu tapıblar

İŞİD terrorçuları insanları susdurmaq üçün sözün hərfi mənasında onların ağzını tikirlər.

Bu barədə Ölkə.Az RenTv-yə istinadən məlumat verir.

İŞİD-in nəzarəti altında olan Mosul şəhərinin sakinləri bildiriblər ki, indi terrorçular əhali arasına xüsusi cəsuslar salırlar. Onlar İŞİD barəsində xoşagəlməz ifadələr işlədən, terror təşkilatının məğlubiyyətinə sevinən insanları izləyir və terrorçulara xəbər verirlər.

Terrorçular İŞİD barəsində danışan adamların dodaqlarını dəmir məftillərlə tikirlər. Ağzı tikilən "müttəhimlər" ağrı, susuzluq və acından əzab çəkərək ölürlər.

İlhamə
Ölkə.Az