\"İnter TV\"-nin binası mühasirəyə alınıb

Ukraynada etirazçılar "İnter TV"-nin binasını mühasirəyə alıb.

Etirazçılar bu xəbər kanalının rusiyayönümlü olduğunu iddia edirlər.

Onlar telekanalın Ukraynanın bir hissəsinə nəzarət edən separatçıları dəstəklədiyini və Ukrayna əleyhinə təbliğat apardığını söyləyirlər.

Ölkə.Az Ukrayna mediasına istinadən xəbər verir ki,"Inter TV"-dən bildirilib ki, bundan öncə bazar günü şirkətin binasına od vurulması nəticəsində işçilərindən bəziləri xəstəxanada müalicə olunur, bir nəfərin isə yanğından qaçarkən ayağı sınıb.

Hazırda TV ofisinin ətrafındakı hasarın üzərinə "Yan, Inter, yan!" və "Rusiya buradadır!" şüarları yazılıb.

Etirazçılar həmçinin hasarın ətrafına rezin təkərlər yığıb. Polis müdaxilə etmədən ətrafda onları seyr edir.

Avqustun 31-də Ukrayna daxili işlər naziri Arsen Avakov dövlət təhlükəsizlik xidmətini "İnter TV"-nin baş redaktorlarından biri, Rusiya vətəndaşı İqor Şüvalovu ölkədən deportasiya etməyə çağırıb.

İlhamə
Ölkə.Az