Qazaxıstanda hökumət dəyişikliyi gözlənilir
Nazarbayev Qazaxıstan hökumətini istefaya göndərməyə hazırlaşır.
Ölkə.Az xəbər verir ki, Qazaxıstan hökumətinin başda baş nazir Kərim Məsimov olmaqla istefaya göndərilməsi gözlənilir.
Bu haqda hökumətdəki mənbə məlumat verir.
Xatırladırıq ki, Kərim Məsimov ilk dəfə 2007-ci ildə Qazaxıstanın baş naziri təyin edilib. 2012-ci ildə isə Nazarbayevin sərəncamı ilə prezident administrasiyasının rəhbəri təyin edilib və 2014-cü ilə qədər bu vəzifədə çalışıb. Daha sonra yenidən baş nazir təyin olunub.
