Ramzan Kadırov İŞİD-in rəhbərini axtarır

Çeçenistan Respublikasının prezidenti Ramzan Kadırovun adamları İŞİD terror qruplaşmasının lideri Əbubəkr Əl-Bağdadinin axtarışlarını davam etdirir.

Ölkə.Az xəbər verir ki, Ramzan Kadırov jurnalistlərə açıqlamasında deyib ki, onun adamları Əbubəkr Əl-Bağdadini məhv etmək üçün axtarırlar.

"İŞİD quldurlarının başçısı Əbubəkr Əl-Bağdadi bir gün xütbə ilə çıxıb və bundan sonra qeyb olub. Artıq mənim insanlarım onu məhv etmək üçün axtarırlar. Amma o heç yerdə yoxdur", - deyə Kadırov vurğulayıb.

Çeçenistan Respublikasının prezidenti qeyd edib ki, respublikadan bu təşkilata qoşulmaq istəyən şəxslərə geriyə yol olmayacaq:

“Biz gənclərə başa salırıq ki, bu, cinayətkar qruplaşmadır, onların arxasınca getmək özünü və müsəlman qardaşlarını öldürmək deməkdir”.

Kadırov İŞİD-çilərin təbliğatının qarşısını almaq məqsədilə internətə çıxışı bağlamağı təklif edib. Respublika prezidenti bildirib ki, bu cür addımın ölkə səviyyəsində doğuracağı siyasi, iqtisadi və sosial nəticələri də tam anlayır.

Rəşid Mustafazadə

Ölkə.Az