Tramp ABŞ siyasətçilərini özündən çıxardı

Trampın Putini tərifləməsi amerikalı siyasətçilərin qısqanclığına səbəb olub

ABŞ prezidentliyinə namizəd Donald Trampın prezident Vladimir Putinin ünvanına səsləndirdiyi xoş sözlər və onun Barak Obamadan daha güclü lider olmasını söyləməsi milyarderin həm tərəfdarları, həm də rəqibləri tərəfindən tənqidlə qarşılanıb.

Bu bəyanat amerikalı siyasətçilər arasında əsl səs-küyə səbəb olub.

"Vladimir Putin təcavüzkardır, o bizim milli maraqlarımızla hesablaşmır. Kreml ABŞ siyasi sisteminə qarşı kiber hücumlar təşkil edir",- deyə senatın spikeri, Respublikaçılar partiyasının nümayəndəsi Pol Rayan bildirib.

"O quldurdur və pis oğlandır",- ABŞ pezidentliyinə keçmiş namizəd Marko Rubio Putin haqqında yerli qəzetlərə müsahibəsində belə deyib.

İndiana ştatının qubernatoru Mayk Pens isə Trampın tərəfini tutaraq CNN telekanalına müsahibəsində Putinin Barak Obamadan daha güclü lider olduğunu dilə gətirib.
Demokratlar partiyasının nümayəndələri yaranmış vəziyyətdən istifadə edərək daha sərt ittihamlar səsləndiriblər. "Bu təhqiramizdir. Tramp prezident seçilərsə Putinə istədiyini etməyə icazə verəcək. Bir ali baş komandanın belə düşünməsi qorxuncdur",- deyə prezidentliyə namizəd Hillari Klinton bildirib.

Prezident Barak Obama isə məsələyə belə münasibət bildirib :"Bu oğlanın (Donald Tramp) prezident olmaq üçün səriştəsi yoxdur. O, hər dəfə ağzını açanda mən buna bir daha əmin oluram".

İlhamə
Ölkə.Az