Obama Şimali Koreyanı hədələdi

ABŞ prezidenti Barak Obama Şimali Koreyanı növbəti nüvə sınağı keçirdiyinə görə hədələyib və ciddi nəticələrə hazır olmağa çağırıb.

Ölkə.Az Rusiya KİV-lərinə istinadən xəbər verir ki, bu bəyanatı Ağ Evin mətbuat katibi Coş Ernest səsləndirib. Onun sözlərinə görə, ABŞ prezidenti Cənubi Koreya və Yaponiya liderlərini Pxenyanın hərbi təxribatlarına qarşı səylərini birləşdirməyə çağırıb.

Obama Şimali Koreyanın təxribatçı fəaliyyətinə ciddi cavab vermək üçün müttəfiqlər və tərəfdaşlarıyla məsləhətləşmələri davam etdirəcəklərini bildirib.

O, Cənubi Koreya lideri Pak Kın Xe və Yaponiyanın baş naziri Sindzo Abe ilə telefon söhbəti apararaq Vaşinqtonun Asiyada və bütün dünyadakı müttəfiqlərinin təhükəsizliyinin təmin edilməsi üzrə siyasi xəttə sadiq olduğunu vurğulayıb.

İlhamə
Ölkə.Az