Türkiyə ABŞ-ın səbrini daşırdı

Türkiyənin Kobanidəki döyüşlərlə bağlı qərar verməməsi ABŞ-ın səbrini daşırıb.

Belə bir iddia ilə "The İndependent" qəzeti çıxış edib.

"Kürdlər Kobanini xilas edə bilərmi?" başlıqlı məqalədə deyilir ki, Türkiyənin İŞİD-lə bağlı konkret addım atmaması səbəbindən rəsmi Vaşinqton Kobanidə döyüşən kürd qüvvələrinə silah-sursat yardımı həyata keçirdi.

"Türkiyə Kobanidə döyüşən kürd silahlılarını terrorçu kimi tanıyır. Buna rəğmən ABŞ onlara havadan silah yardımı etdi. Rəsmi Vaşinqtonun bu hərəkəti ona işarədir ki, ABŞ siyasətində ciddi dəyişikliklər olub və Türkiyəyə inad kürdlərlə birbaşa əməkdaşlıq ediləcək", deyə məqalədə bildirilir.

Qeyd edək ki, bir aydan çoxdur ki, şiddətli döyüşlərin getdiyi Kobaninin yalnız Türkiyə sərhədi açıqdır və Türkiyə ordusu bu günə qədər də sərhəddən silah-sursat keçirilməsinə icazə vermir. Oktyabrın 20-də isə ABŞ Kobanidə təyyarələr vasitəsilə kürd qüvvələrinə 21 ton silah yardımı həyata keçirmişdi. Silahlar havadan kürdlərin olduğu ərazilərə atılmışdı. (anspress)

Ölkə.Az