Türkiyənin Suriyada tankları vuruldu
Türkiyə Silahlı Qüvvələrinin Suriyada apardığı “Fırat qalxanı” əməliyyatının 17-ci günü də Türkiyə üçün itkisiz bitməyib.
IŞİD terror təşkilatı Suriyanın Rai bölgəsinin Tell Əl Hava kəndinin yaxınlığında Türkiyəyə məxsus tanklara raket atıb. Hadisə nəticəsində 3 əsgər şəhid olub, 1 əsgər yaralanıb. Bu barədə Türkiyə Baş Qərargahının mətbuat xidməti məlumat yayıb.
Xatırladaq ki, Türkiyə “Firat qalxanı” adlı əməliyyata avqustun 24-də start verib. Türkiyə ordusunun Suriyada həyata keçirdiyi “Firat qalxanı” əməliyyatı çərçivəsində dəstəklədiyi müxalif Azad Suriya Ordusu 10-dan çox kəndi terrorçulardan azad edib.
Türkiyə ordusu əməliyyatın başladığı gündən bugünə qədər 7 şəhid verib. (qafqazinfo)
