Türkiyədə bayram günü güclü partlayış

Bu gün Türkiyənin Van şəhərində hakim Ədalət və İnkişaf Partiyasının (AKP) qərargahı ilə Van Valiliyi arasındakı ərazidə partlayış törədilib. Hadisə nəticəsində 2-i polis olmaqla, 19 nəfər yaralanıb.

Ölkə.Az APA-ya istinadən verdiyi məlumata görə, bu barədə Vanın polis rəisi açıqlama verib.

AKP-nin Van millət vəkili Burhan Kayatürk isə terrorçuların hədəfinin AKP binası və binanı qoruyan polislər olduğunu bildirib.

B. Kayatürk yaralıların durumunun ağır olmadığını da açıqlayıb.

Təhlükəsizlik qüvvələri partlayışı törədən PKK terrorçularının yaxalanması üçün əməliyyata başlayıb.

Qeyd edək ki, Van şəhərində hakim Ədalət və İnkişaf Partiyasının qərargahı ilə Van Valiliyi arasındakı ərazidə güclü partlayış baş verib. Partlayış bomba yüklü avtomobilə törədilib. Partlayışdan sonra başlayan yanğın qısa müddətdə su vuran polis maşını (TOMA) ilə söndürülüb.

Partlayışın gücündən yaxınlıqda yerləşən binalar zərər görüb, pəncərələrin şüşələri sınıb.

***

Van valiliyinin son məlumatına görə, partlayış nəticəsində 2-si polis olmaqla 48 nəfər xəsarət alıb. 

Ölkə.Az