Çin Şimali Koreyaya qarşı sanksiyalara veto qoya bilər
Çin Şimali Koreyaya qarşı tətbiq edilən sanksiyalara qarşı çıxıb.
Ölkə.Az xəbər verir ki, Çin Şimali Koreyaya qarşı tətbiq edilən sanksiyaların heç bir fayda verməyəcəyini bəyan edib.
Bu haqda Çinin xarici işlər naziri Van İ özünün yaponiyalı həmkarı Fumio Kisida ilə telefon söhbəti zamanı deyib.
Çinin XİN başçısının sözlərinə görə, Pxenyana qarşı sanksiyalar bu ölkə ilə olan nüvə problemini həll etməyəcək.
"Biz BMT Təhlükəsizlik Şurasının üzvləri ilə birlikdə Koreya yarımadasında sülhü bərqərar etmək üçün istənilən məsələni müzakirə etməyə hazırıq. Bundan əlavə, biz Şimali Koreyaya qarşı tətbiq olunan birtərəfli sanksiyalara qarşıyıq və hesab edirik ki, bu problemin həllinə heç bir kömək göstərməyəcək", - deyə Çinin xarici işlər naziri vurğulayıb.
