Obama: "İndi isə sənin sevgilin dəqiq qısqanır"

Çikaqo şəhərində gənc oğlan prezident Barak Obamanı sevgilisinə toxunmamağı xahiş edib.

Ölkə.Az "The Washington Post" qazetinə istinadən xəbər verir ki, konqres üçün seçkilərdə seçki bülletenini dolduran zaman Barak Obama təsadüfən Aya Kuper adlı bir gənc qadının yanında durub. Xanımın yaxınlıqda keçən nişanlısı Mayk Cons sakit formada "Cənab prezident, zəhmət olmasa mənim sevgilimə toxunmayın" deyib.

Obama bildirib ki, onun belə bir fikiri yox idi, lakin bu heç də pis fikir deyil və Ayaya onu öpməsini təklif edib. "İndi isə sənin nişanlın dəqiq qısqanır!" - deyə prezident söyləyib.

Qeyd edək ki, Barak Obama dəfələrlə kifayət qədər özünəməxsus zarafatlar edib. Misal üçün, 2014-cü ilin iyul ayında o düşünürdü ki onun aşbazı piroqlara krek (kokainin forması) qatır və məhz buna görə o onları yalnız həftə sonu yeməyə üstünlük verirdi.

2013-cü ilin mart ayında isə dünyanın ən zəngin adamlarından biri hesab olunan Bruney sultanının rəsmi səfəri zamanı Obama ABŞ iqtisadiyyatına kömək etmək üçün sultana Nyu-York şəhərində alış-veriş etməyi təklif edib.

Çinarə Vahabzadə

Ölkə.Az