PYD-nin qərargahı üzərindəki 4 ABŞ bayrağından 3-ü endirildi
Suriyada fəaliyyət göstərən və PKK terror təşkilatının qolu olan PYD-nin Tel-Abyad rayonundakı qərargahı üzərindəki ABŞ bayraqlarından 3-ü endirilib.
Ölkə.Az xəbər verir ki, Türkiyənin sərt reaksiyasından sonra Pentaqon məsələni araşdıracağına söz vermişdi.
Hazırda PYD qərargahları üzərindən endirilən 3 bayraqdan əlavə gömrük idarəsi üzərində dalğalan 4-cü ABŞ bayrağı isə hələ də yerindədir.
Qeyd edək ki, Türkiyənin Suriyada başladığı antiterror "Fərat qalxanı" əməliyyatından sonra PYD terror təşkilatı özünü qorumaq üçün qərargahının üzərindən ABŞ bayrağı asmışdı.