Ərdoğan: \"ABŞ xüsusi təyinatlılarını türk əsgəri xilas etdi\"

Türkiyə prezidenti Rəcəb Tayyib Ərdoğan sensasion bəyanatla çıxış edib.

Ölkə.Az xəbər verir ki, Ərdoğan ABŞ xüsusi təyinatlılarının Suriyada azad Suriya Ordusu döyüşçülərinə qarşı aqressivlik nümayiş etdirdiklərini və bunun nəticəsində suriyalı müxaliflərin amerikan əsgərlərini mühasirəyə aldıqlarını bildirib.

"Bölgəni tanıyan, bu ərazidə nə baş verdiyini bilən türk əsgəridir, bizik. Deyirdilər "Fırat qalxanı" 2-4 ay çəkər. Amma 15 gündə hər şey tamamlandı. Azad Suriya Ordusunun döyüşçülərinə qarşı aqressivlik nümayiş etdirmiş ABŞ xüsusi təyinatlılarını isə oradan türk əsgəri çıxardı. Yoxsa bu gərginliyin onlar üçün hansı nəticələrə gətirib çıxaracağını təsəvvür etmək çətin deyildi", - deyə Ərdoğan bildirib.

Ölkə.Az