İŞİD İraqda böyük hücum hazırlayır
İŞİD terror təşkilatı İraqda qüvvə cəmləşdirməyə davam edir.
Ölkə.Az xəbər verir ki, bu haqda peşmərgə qüvvələrinin komandirlərindən biri Huaym Helkurd məlumat verib.
Onun sözlərinə görə, İŞİD terrorçuları 40 müxtəlif maşında Mosul yaxınlığındakı Başika qəsəbəsinə canlı qüvvə və silah-sursat gətiriblər.
Kürd komandirin sözlərinə görə, İŞİD peşmərgə güclərinə qarşı geniş hücum hazırlayır.
Hazırda İŞİD-in yerli əhalini bölgədən çıxmağa qoymadığı bildirilir.
Hücumun yaxın günlərdə başlayacağı deyilir.
