Pridnestrovye Rusiyanın tərkibinə keçir
Moldovanın ərazisi olan qondarma Pridnestrovye respublikasında referendum keçirilib.
Ölkə.Az xəbər verir ki, Dnestryanı separatçılarının lideri Yevgeni Şevçuk referendumda əhalinin əksəriyyəti Rusiyanın tərkibinə keçməyə səs verib.
"Geridə qalan iş Rusiya hakimiyyətinin siyasi iradəsindən asılıdır. Biz qərarımızı verdik və Moldovadan ayrılmaq istəyimizi bildirdik. Dövlət Duması referendumu müzakirə etdi və yüksək qiymətləndirdi. Geridə qalanlar Rusiya siyasi hakimiyyətinin iradəsindən asılıdır", deyə Dnestryanı bölgənin separatçı lideri bildirib.
Xatırladırıq ki, SSRİ dağılandan sonra onun ərazisində alovlanan ilk konflikt ocaqlarından biri də Pridnestrovyedir. Burada yaşayan rus və ukraynalı əhali Moldovanın qanunlarını qəbul etməyərək öz müstəqilliklərini elan etdilər. Rusiyanın hərbi dəstəyi ilə region Moldovanın nəzarətindən çıxarıldı və Rusiyanın 14-cü ordusu tərəfindən faktiki olaraq işğal edildi.
