\"ABŞ İŞİD-i məhv etmək üçün...\"

Türkiyə prezidenti Rəcəb Tayyib Ərdoğan ABŞ-ın nüfuzlu "Bloomberg" kanalına geniş müsahibə verib.

Ölkə.Az xəbər verir ki, Ərdoğan müsahibəsində bir çox məqamlara aydınlıq gətirib.

Əsasən Suriya problemi və ABŞ-Türkiyə münasibətləri ətrafında gedən söhbət zamanı Ərdoğan çox səmimi və açıq bəyanatlar verib. Nyu-Yorkda Obama və digər ABŞ liderləri ilə danışıqlarının detallarını açıqlayan Ərdoğan İŞİD məsələsində Vaşinqtonun düzgün taktika seçmədiyini və bunun Suriya müharibəsinin daha da alovlanmasına və ətraf ölkələrin təhlükəsizliyini də ciddi şəkildə təhdid etdiyini bildirib.

"ABŞ İŞİD-lə mübarizədə digər terror təşkilatlarından istifadə edərək bu işi sona çatdırmaq istəyir. ABŞ rəsmiləri bildirirlər ki, İŞİD-i məhv etmək üçün digər terrorçu qruplaşma, PYD-dən istifadə etmək lazımdır və onları silahlandırırlar. Axı bir terrorçunu o birinin əli ilə məhv etməklə terror problemini necə həll etmək olar? Bu çox yanlış yanaşmadır", - deyə Türkiyə prezidenti vurğulayıb.

Ölkə.Az