Dünya tarixində az rastgəlinən fırıldaq – ÖZÜNÜ İKİ İL “DONDURDU”

Britaniyanın Suonsi şəhərinin (Uels) Alan Nayt adlı sakini əvvəllər törədilmiş cinayətdən yayınmaq üçün 2 il komada olduğunu imitasiya edib.

Ölkə.az "BBC News" telekanalına istinadən xəbər verir ki, iki il əvvəl bir kişi mahiyyəti müəyyən edilməyən fırıldaqçılıq vasitəsi ilə Alsgeymer xəstəliyindən əziyyət çəkən qonşusunun 64 min dollar pulunu oğurlayıb.

Hüquq-mühafizə orqanların əməkdaşları oğurluqda ittiham olunan Naytı həbs etmək üçün isə onun evinə gəldiklərində o iddia etmişdi ki, başı istisna olmaqla, onun bütün bədəni iflic olub. Naytın həyat yoldaşı bildirmişdi ki, ərinin boynuna qarajlarının qapıları düşdükdən sonra o komaya düşüb.

Polis Naytın fırıldaqçılığını onun supermarketdən alış-veriş zamanı kredit kartından istifadə edən zaman açıb.
Polis Naytın kredit kartından ödəniş olunduğunu sistemlərindən izləyərkən ödənişin onun yaxud başqası tərəfindən həyata keşirildiyini yoxlamaq qərarına gəlib. Marketdə kameralarını izləyən zaman hüquq-mühafizə orqanlarının əməkdaşları aşkar ediblər ki, iflic olduğunu iddia edən Nayt sərbəst hərəkət edə bilir və hətta avtomobilini də özü idarə edir.

Yenidən məhkəməyə dəvət olunan Nayt isə oktyabırın 21-də "Kral Məhkəməsi"-nə ortopedik boyunluq və təkərli əlil arabasında gəlib.
Hakimlər video-sübutu məhkəmə zalında izlətdikdən sonra Nayt öz yalanını etiraf etməyə məcbur olub.

Qeyd edək ki, məhkəmənin son qərarı noyabır ayının 7-də bildirəcək.

Ölkə.Az