Malayziyanın sərnişin təyyarəsi Rusiya raketi ilə vurulub
2014-cü ildə Donbas üzərində vurulmuş Malayziya hava yollarına aid Boeing 777 sərnişin təyyarəsinin qalıqlarını araşdıran beynəlxalq ekspert qrupu öz işini yekunlaşdırıb.
Ölkə.Az xəbər verir ki, ekspert qrupunun hazırladığı yekun sənəddə sərnişin təyyarəsinin "Buk" zenit-raket kompleksi tərəfindən vurulduğu bildirilir.
Raketin Pervomaysk kəndi yaxınlığından buraxıldığı müəyyən edilib. Raketin qalıqlarının ekspertizası isə onun Rusiyadan gətirildiyini göstərir. Ekspert qrupu yekun sənəddə sərnişin təyyarəsinin vurulmasına görə məsuliyyətin məhz Rusiyanın üzərinə düşdüyünü qeyd edib.
Rusiya tərəfi isə öz növbəsində bu ittihamları rədd edir.
