"Rusiya ABŞ-ın əsas rəqibi və düşmənidir"
ABŞ kəşfiyyatının rəhbəri geosiyasi müstəvidə baş verən proseslərə münasibət bildirib.
Ölkə.Az xəbər verir ki, Mərkəzi Kəşfiyyat İdarəsinin direktoru Con Brennan Rusiyanın bütün sahələrdə ABŞ-ın əsas rəqibi və düşməni olduğunu bildirib.
"Rusiya xarici siyasət istiqamətində özünü çox aqressiv aparır. Xüsusən kibersahədə Rusiya daha aqressivdir. Mən Suriyada baş verənləri müşahidə edərkən əsəbiləşirəm, ona görə ki, ruslar Suriya rejiminə təzyiq göstərmək üçün götürdükləri öhdəliyi yerinə yetirmirlər", deyə Brennan CNN kanalına verdiyi müsahibəsində vurğulayıb.
