Əl-Qaidənin şok İŞİD açıqlaması

Suriyada Bəşər Əsəd rejiminə qarşı döyüşən terror qruplaşması "Əl-Qaidə"yə bağlı "Əl-Nusra Cəbhəsi" İŞİD-i azğın düşmən elan edib.

Terror qruplaşmasının sözçüsü Əbu Firas Suri "Əl-Cəzirə" kanalına verdiyi açıqlamada bildirib ki, onların İŞİD-lə inancları eyni deyil:

"Onlar üçün bizimlə döyüşmək, Əsəd ilə döyüşməkdən əhəmiyyətlidir. Əvvəlcə bunu dəqiq olaraq söyləməliyəm ki, İŞİD kənar bir inanca sahibdir. Biz Əhli Sünnəyik. Yəni məqsədimiz siyasi deyil, inancdır. Xaricilər yalnız arzularının arxasınca qaçarlar. İŞİD ilə eyni kateqoriyada qiymətləndirilməyimizi istəmirik. Bir çox Əhli Sünnə alimi və Əl-Qaidə əmiri Eymen Zəvahiri İŞİD-in azğın bir qrup olduğunu dəqiq bir şəkildə elan etdilər.

İŞİD-ə görə, Suriya xalqı və bizim də içərisində olduğumuz bütün qruplar mürtəd (dindən çıxmış) olduğu üçün bizlərlə döyüşmək Əsədlə döyüşməkdən daha çox əhəmiyyət kəsb edir. Biz onlar üçün hədəfik. Belə bir düşüncə ilə kim, necə ittifaq edə bilər. Ancaq hər şeyə baxmayaraq, ABŞ və müttəfiqləri onlara hücum etdiyi müddətdə bizdən onlara ilk hücüm olmayacaq. Qərbli kafirlərə dəstək olmamaq üçün bu yolu seçirik. Yekun olaraq isə tökdükləri qandan ötəri tövbə etsələr və şəriət hökmlərinə görə mühakimə olunsalar o zaman onlarla birlikdə hərəkət edə bilərik".

Terror qruplaşmasının təmsilçisi bildirib ki, Suriyanı Bəşər Əsəd rejimindən azad etmək üçün bütün qruplarla əməkdaşlıq ediblər: "Biz "cihad"ın ilk günündən bəri bütün qruplarla heç bir ayrı-seçkilik etmədən Əsədə qarşı əməkdaşlıq içərisində olduq. Suriya azad olduğunda bu ölkəni idarə kimi bir fikrimiz yoxdur".

Əbu Firas Suri Türkiyənin Suriya sərhədində bufer zona yaratmaq təklifini dəstəklədiklərini bildirib: "Əgər bufer zona yaradılsa, oradakı məzlum Suriya xalqının zərər görməməsi üçün nə lazımdırsa edəcəyik". (anspress)

Ölkə.Az