Obamanın həyatı təhlükədə - VİDEO
200 ildən çoxdur ki, ən yaxşı prezident iqamətgahı hesab edilən məşhur Ağ Evə son bir il ərzində 7-ci dəfədir ki, hücum cəhdi olur.
Bir neçə gün əvvəl naməlum şəxs heç bir maneə olmadan düz Obamanın iclas zalına qədər keçib gələ bilmişdi. Bu dəfə isə itlər ayıq çıxıb. Ağ Evin hasarını aşan şəxs itlərin hay-küyündən sonra saxlanılıb.
Vaşinqtonda Ağ Evə növbəti dəfə hücuma etməyə cəhd edilib. Bu gecə Ağ Evin şimal hissəsindən naməlum bir şəxs hasardan tullanaraq içəri daxil olmaq istəyib. Birləşmiş Ştatlarda dövlətin birinci şəxslərinin təhlükəsizliyini təmin edən mühafizəşilər dərhal bu icazəsiz cəhdin qarşısını ala biliblər və həmin şəxsi yaxalayıblar.
Gözətçi itlər dərhal həmin şəxsə hücum ediblər və mühafizəçilər isə onu saxlayıblar. Ağ Evin ətrafı hazırda bağlanıb, heç kimin ora daxil olmasına icazə verilmir. Ağ Evin ətrafnda çoxlu sayda polis var. Araşdırma aprılır. Həmin şəxsin dəmir hündür hasardan necə daxil olması isə hələ də müəyyən edilməyib. Bir müddət əvvəl baş vermiş analoji hadisədən sonra Ağ Evin ətrafındakı hasarlara əlavə maneələr quraşdırılıb.
Xatırladaq ki, sentyabrın 19-da 42 yaşlı hərbçi veteran Omar Qonzales adlı birisi də hasardan tullanmış və prezident iqamətgahınını içərisinə daxil ola bilmişdi. Bu insidentdən sonra ABŞ Təhlükəsizlik Şurasının rəhbəri Culiya Pirson tutduğu vəzifəsindən uzaqlaşdırılmışdı.
Ümumilikdə isə bu il ərzində artıq 7-ci dəfədir ki, Ağ Evə qanunsuz şəkildə daxil olmağa cəhd edilir. (ANS TV)
Ölkə.Az
