İsrail Türkiyəyə 20 milyon dollar təzminat ödədi

İsrail dövləti "Mavi Marmara" gəmisinə edilən hücum zamanı həlak olanlar üçün Türkiyə dövlətinə 20 milyon dollar ödədi.

Ölkə.Az-ın məlumatına görə, İsrail dövləti Ədliyyə Nazirliyinin bank hesabına 20 milyon ABŞ dolları köçürüb. 2010-cu ildə Gəzzadakı qaçqınlara humanitar yardım aparmaq üçün Türkiyədən yola çıxan "Mavi Marmara" gəmisi 31 may tarixində İsrail əsgərlərinin hücumuna məruz qalmışdı.

Hücum nəticəsində gəmidəki 10 türk qətlə yetirilmişdi. Basqın nəticəsində həyatlarını itirənlərin ailələrinə təzminat ödənməsi Türkiyə tərəfindən İsrail ilə münasibətləri normallaşdırmaq üçün irəli sürülən üç şərtdən biri idi.

Türkiyə rəsmilərinin verdiyi xəbərə görə, bu gün səhər saatlarında İsrail dövləti tərəfindən nəzərdə tutulan məbləğ İsrail Xarici İşlər Nazirliyinin büdcəsinə transfer edilib.

Hikmət
Ölkə.Az