ABŞ-dan Səudiyyə Ərəbistanına qarşı ilk məhkəmə iddiası!
ABŞ-da 11 sentyabr hadisələri ilə bağlı qəbul edilən qanundan həmən sonra Səudiyyə Ərəbistanına qarşı ilk məhkəmə iddiası qaldırılıb.
Ölkə.Az xəbər verir ki, 11 sentyabr terror hücumları zamanı ərini itirmiş qadın Səudiyyə Ərəbistanını məhkəməyə verib. Stefani Ross Desimon adlı qadın, çərşənbə günü konqres tərəfindən qəbul edilmiş qanundan həmən sonra məhkəməyə müraciət edib. Həftənin çərşənbə günü konqres tərəfindən terror hadisəsi zamanı doğmalarını itirmiş amerika vətəndaşlarına Səudiyyə Ərəbistanını məhkəməyə vermə hüququ tanıyan qanun qəbul edilib. Əvvəlcə bu qanun prezident Barak Obama tərəfindən veto edilsə də, konqres qanunu qəbul edib.
Terror hadisələri zamanı ərini itirən qadın Səudiyyə krallığını "Əl-Kaidə" terror təşkilatını dəstəkləməkdə ittiham edir. Onun əri Patrik Dann ABŞ Hərbi Hava Qüvvələrində xidmət edib və Pentaqona edilən hücum zamanı həyatını itirib. Desimon məhkəməyə müraciət edərək təzminat tələb edir.
Səudiyyə Ərəbistanı Xarici İşlər Nazirliyi isə, ABŞ tərəfindən qəbul edilən qanunun suveren dövlət prinsiplərinə zidd olduğunu, hər iki dövlət arasında münasibətlərə xələl gətirəcəyini bildirib.
Hikmət
