Sarkisya dövlət strukturunu dəyişir
Ermənistan prezidenti Serj Sarkisyan bu gün dövlət strukturunun dəyişikliyi barədə qanun layihəsini imzalayıb.
Ölkə.Az xəbər verir ki, Ermənistan parlamentinin"Ermənistan Respublikası dövlətinin strukturu" barədə qanuna etdiyi dəyişiklikləri imzaladı.
Ermənisan parlamenti 29 sentyabr tarixində dövlət strukturunun dəyişikliyini nəzərdə tutan qanun layihəsi qəbul edib. Bu qanuna əsasən energetika və təbii sərvətlər nazirliyi enerji infrastruktur və təbii sərvətlər nazirliyi adlandırılacaq. Eyni zamanda iqtisadiyyat nazirliyi sərmayə və sahibkarlığa yardım nazirliyi, nəqliyyat və rabitə nazirliyi isə nəqliyyat, rabitə və informasiya texnologiyaları nazirliyi adlandırılacaq. Qanun layihəsinə əsasən, şəhərsalma nazirliyi ləğv edilir. Onun yerinə isə, tarixi-mədəni dəyərlərin qorunması və arxitektura üzrə dövlət komitəsi fəaliyyət göstərəcək.
Dəyişikliklər çərçivəsində iqtisadiyyat nazirliyinin tabeçiliyində olan turizm idarəsi müstəqil idarəyə çevriləcək. Su təsərrüfatı dövlət komitəsi kənd təsərrüfatı nazirliyinin tabeliyindən çıxaraq enerji infrastrukturları və təbii sərvətlər nazirliyinin idarəçiliyinə keçəcək. Ermənistan mülki aviasiya idarəsi nəqliyyat rabitə və informasiya texnologiyaları nazirliyinə birləşdiriləcək. Bundan başqa digər struktur dəyişiklikləri də gözlənilir.
Ermənistanın baş naziri Karen Karapetyan əvvəllər bildirib ki, nazirlər kabineti strukturunun dəyişikliyi idarəetmə effektivliyini artırmalıdır.
