ABŞ İnternet üzərində nəzarəti itirdi
Bu ilin oktyabr ayının 1-dən İnternet ABŞ-ın nəzarətindən çıxıb.
Ölkə.Az xəbər verir ki, ABŞ hökuməti ilə domainlərin və İP-ünvanların idarəsi üzrə ICANN korporasiyası arasındakı uzun illərdir davam edən müqavilə başa çatıb.
ICANN korporasiyasından verilən məlumata görə, artıq qlobal İnternet şəbəkəsinə beynəlxalq aləm tərəfindən nəzarət ediləcək.
Qeyd edək ki, İnternet üzərində nəzarət 1998-ci ildən mövcuddur. Artıq korporasiya İnternetə nəzarət zamanı ABŞ-ın hakimiyyət dairələri ilə razılaşdırmalar və məsləhətləşmələr aparmayacaq.
