Kolumbiyada referendumun nəticələri məlum oldu

Ötən həfə Kolumbiya prezidenti Xuan Manuel Santos və "Kolumbiya inqilabı silahlı qüvvələri"nin lideri Rodriqo Londonyo arasında razılıq əldə edilib.

Ölkə.Az xəbər verir ki, bu məsələ ilə bağlı Kolumbiyada referendum keçirilib. Referendumda iştirak edən səsverənlərin sayı artıq hesablanıb.

Nəticələrə əsasən, referendumda iştirak edənlərin 50.23 %-i hökumətlə inqilabçılar arasında bağlanan müqavilənin əleyhinə səs verib. Səsverənlərin 49-76 %-i isə bu müqavilənin lehinə səs verib.

Xatırladaq ki, ötən həftə prezident və inqilabçıların lideri arasında bağlanan müqaviləyə əsasən, konfliktə son verilməli, möhkəm və davamlı sülh mühiti yaradılmalıdır. İnqilabçıların lideri Londonyo Eçeverri konflikt nəticəsində zərər çəkmiş şəxslərdən üzr istəyib.

Xatırladaq ki, Kolumbiya hökuməti ilə inqilabçılar arasında konflikt 1960-cı illərdə başlayıb. Bu çatışma nəticəsində 200 mindən çox insan dünyasını dəyişib. 2012-ci ildə tərəflər arasında sülh danışıqlarına başlamaq haqda qərar qəbul edilib.

Hikmət
Ölkə.Az