Səudiyyə Ərəbistanı məmurları Qriqoryan təqvimi ilə maaş alacaqlar

Səudiyyə Ərəbistanı hökuməti oktyabr ayından dövlət müəssisələrində çalışanların maaşını qriqoryan təqvimi əsasında verəcək.

Ölkə.Az xəbər verir ki, bir neçə gün əvvəl dövlət rəsmiləri bu barədə qərar qəbul ediblər. Əvvəllər dövlət məmurları hicri təqvimi əsasında maaş alsalar da, hakimiyyət orqanları iş günü saylarını artırmaq, xərcləri azaltmaq üçün belə bir addım atıblar.

Bu qərar nəticəsində dövlət orqanlarında çalışanlar il ərzində 11 günlük əmək haqqından məhrum olacaqlar. Çünki hicri təqvimdə bir ildə 354 gün var.

Neft qiymətləri kəskin düşdüyü üçün Səudiyyə Ərəbistanı hökuməti dövlət xərclərini azaltmaq məcburiyyətindədir. Ötən həftə də nazirlərin maaşı 20% azaldılmış, məmurlara ödənilən bonuslar ləğv edilmişdi.

Hikmət
Ölkə.Az