İŞİD-çilər Türkiyədə insan oğurluğuna başlayıb

15 İŞİD terrorçusu suriyalı komandiri oğlu ilə birgə qaçırıb.

Ölkə.Az xəbər verir ki, Türkiyənin Şanlıurfa bölgəsində 15 İŞİD terrorçusu suriyalı komandir Həsən M. oğlu ilə birlikdə qaçırıb.

Cinayət hadisəsi bu ayın 17-i baş tutub. Bildirilir ki, komandir Həsən oğlu ilə birlikdə dostunu ziyarət etmək üçün gedərkən İŞİD döyüşçüləri onların qabaqlarını kəsiblər. İki tərəf arasında çıxan silahlı insidentdə suriyalı komandir ciddi şəkildə yaralanıb. İŞİD döyüşçüləri onları Suriyaya keçirməyə cəhd etsələr də, sərhəddə təhlükəsizliyin gücləndirilməsinə görə bu alınmayıb.

Suriyalı komandir və oğlu Suriya ilə sərhəddə yerləşən Ağcaqala keçid məntəqəsinin yaxınlığında yerləşən evlərdən birinə aparılıblar.

Türkiyənin hüquq-mühafizə orqanları məsələdən yalnız komandirin vəziyyətinin ağırlaşmasından sonra xəbər tutublar. Belə ki, özünü pis hiss edən komandir xəstəxanaya aparılıb və orqanlara məlumat verilib. Məsələ araşdırılır və artıq cinayət işi açılıb.

Rəşid Mustafazadə

Ölkə.Az