Bu mumiya görənləri şoka salır

Döyməli mumiya tapılıb.

Ölkə.Az xəbər verir ki, Altayın Ukok yaylasında 2500 il əvvəl öldüyü ehtimal edilən döyməli mumiya aşkar edilib. Hadisə 1993-cü ildə baş verib və 2500 il əvvəl öldüyü təxmin edilən bu mumiya onu görənləri təəccübləndirir. Alimlərin araşdırmalarından sonra məlum olub ki, 25 yaşında dünyasını dəyişmiş bu şəxs qadın idi. Novosibirsk vilayətinin elm adamlarından biri, Natalya Polosmak bildirib ki, paltarına, bəzəklərinə və onların sayına əsasən bilmək olar ki, bu qadın Altay şahzadəsi olub.

"Döymə vaxtılə pasport rolunu oynayıb və şəxsin hansı təbəqəyə, hansı qəbiləyə aid olduğunu göstərmək üçün istifadə olunurdu. Qadının həm də narkotik istifadəçisi olduğu da istisna deyil", - deyə alim qeyd edib.

Analizlər göstərib ki, qadının bədəninin sol hissəsində döş xərçəngi xəstəliyi olub.

Digər araşdırmaçılar isə döymənin xüsusi ayinlər üçün nəzərdə tutulduğunu və ruhlarla əlaqəyə girmək üçün bir vasitə olduğunu söyləyiblər.

Rəşid Mustafazadə

Ölkə.Az