Hersoginyanın 3 yaşlı oğlu təyyarə sürdü

Hersoginya Ketrinin 3 yaşlı oğlu təyyarənin şturvalı arxasına keçdi

Şahzadə Uilyam və Hersoginya Ketrinin 8 günlük Kanada səyahəti maraqlı epizodla başa çatdı. Əvvəlcədən hazırlanmış plana əsasən qonaqlar hidroplanla Britaniya Kolumbiyasına yollandılar. Sonra isə Vankuverin gəzməli-görməli yerləri ilə tanış olan kral ailəsi hərbi təyyarə ilə Londona yollanıblar.

Hidroplan Vankuverdə yerə enəndə 3 yaşlı şahzadə Corc anasından xahiş edib ki, şturvalın arxasında oturmağa ona icazə versin. Ketrin təyyarə kapitanına müraciət edərək gənc şəhzadənin arzusunu yerinə yetirib. Kapitandan icazə alan Corc ikinci pilot kreslosuna əyləşərək müxtəlif düymələrə toxunub və özünü təyyarə kapitanı kimi hiss edib.

Anasının "bizi hara aparacaqsan?" sualına kiçik şahzadə "təbii ki evimizə, İngiltərəyə!" cavabını verib.

Xatırladaq ki, kiçik şahzadənin təyyarələrə olan sevgisi yayda da özünü biruzə vermişdi.

Hikmət
Ölkə.Az