Putin və Ərdoğandan "milyard dollarlıq" görüş

Türkiyə və Rusiya prezidentləri ötən il baş verən təyyarə krizisindən sonra 3-cü dəfədir ki, görüşür

Ölkə.Az xəbər verir ki, iki lider 23-cü dünya energetika konqresində görüşəcək. Ekspertlərin fikrinə görə, iki dövlət "Türk axını" təbii qaz layihəsinə start verə bilər.

Putin və Ərdoğanın görüşü zamanı Türk axını, Akkuyu, türk vətəndaşlarına tətbiq edilən viza rejimi və Suriya məsələləri müzakirə ediləcək.

Dünya liderlərinin də iştirak edəcəyi 23-cü dünya energetika konqresi bu gün İstanbulda start götürəcək. 82 ölkədən 10 min deleqasiya üzvü toplantıda iştirak edəcək.

Ərdoğan və Putinin müzakirə edəcəyi məsələlərdən biri də iqtisadi əməkdaşlıq və bir milyard dollarlıq enerji layihələridir.

Hikmət
Ölkə.Az