Ərdoğan və Putin arasında önəmli razılaşma

Vladimir Putin bundan sonra Rusiya bazarlarında Türkiyədən gətirilən sitrus və çəyirdəkli meyvələrin satışına icazə verildiyini bildirib.

Ölkə.Az xəbər verir ki, 2015-ci ildə qəbul edilən qadağa aradan götürülüb.

Türkiyəyə səfər edən Rusiyanın dövlət başçısı rəsmi Moskvanın Türkiyədən kənd təsərrüfatı malları ixracına qoyulan qadağanı ləğv etdiyini bildirib.

Türkiyədən idxal edilən meyvələr Rusiya bazarlarında satışa çıxarılacaq. İki dövlət arasında bağlanan müqaviləyə əsasən, türk fermerlərin istehsal etdiyi sitrus və çəyirdəkli meyvələr yenidən Rusiya bazarına axın edəcək. Dövlət rəsmilərinin verdiyi məlumata görə, Rusiya kənd təsərrüfatı sitrus və çəyirdəkli meyvə istehsal etmir.

Türkiyədən idxal ediləcək bu məhsullar bazarda ucuzluq yaradacaq.

Hikmət
Ölkə.Az