Çində növbəti qəza

Çin kömür şaxtalarında qəzaların sayına görə liderdir.

Ölkə.Az çin mətbuatına istinadən xəbər verir ki, Çinin şimal-qərbindəki Sintszyan-Uyğur muxtar vilayətinin kömür şaxtasında baş verən qəza çoxsaylı insan ölümləri ilə nəticələnib.

Verilən məlumata görə, baş verən qəzada 16 nəfər ölüb, 11 nəfər yaralanıb. Çin dünyada kömür şaxtalarında baş verən qəzaların sayına görə dünyada ilk pillədə dayanır. Bununla bağlı Çin hökuməti 2015-ci ilin sonunadək ən azı 2000 kömür şaxtasını bağlamağı planlaşdırır. Əsas məqsəd isə bu "ölüm" sənayesində təhlükəsizlik standartlarını daha da yüksəldərək gələcəkdə baş verə biləcək faciələrin qarşısını almaqdır.

Çinin Dövlət Şurası bildirilib ki, bağlanması planlaşdırılan şaxtalara ildə 90 min tondan az istehsal verən, təhlükəsizlik qaydalarına əməl etməyənlər və aşağı keyfiyyətli kömür ehtiyatlarına malik olan şaxtalardır.

Rəşid Mustafazadə

Ölkə.Az