Çinin ən varlı adamı

Çində ölkənin ən imkanlı adamını müəyyən ediblər

Ölkə.Az xəbər verir ki, "Dalian Wanda Group" şirkətinin rəhbəri, 62 yaşlı Van Çzyanlin "Çinin ən varlı adamları" siyahısına liderlik edir. Onun 32.1 milyard dollar kapitalı var. "Hurun Research İnstitute" tərəfindən hazırlanan siyahının ikinci pilləsində "Alibaba Group" internet-şirkətinin başçısı Cek Madır. Onun sərvətinin dəyəri 30.6 milyard dollardır.

Sərvəti 24.6 milyard dollar olan Ma Xuaten üçüncüdür. O, "Tencent" telekommunikasiya şirkətinin banisidir.

"Baoneng Group" daşınmaz əmlak şirkətinin rəhbəri Yao Şjenxua 17.2 milyard dollarlıq sərvəti ilə dördüncü pillədədir.

Qeyd edək ki, dünyada 754 nəfər çinli milyarder var. Onlardan 594 nəfəri Çində 94 nəfəri Makao, Honkonq və Tayvanda, 66 nəfəri isə digər ölkələrdə yaşayır.

Hikmət