Türkiyə Rusiyaya yeni elçi göndərdi
Türkiyə bu gün Rusiyaya yeni səfir təyin edib.
Ölkə.Az xəbər verir ki, qardaş dövlətin rəsmi qəzeti sayılan "Resmi gazete"də çıxan xəbərə görə, Hüseyn Lazip Diriöz Rusiyaya səfir təyin edilib.
Türkiyənin xarici işlər nazirliyi xəbəri təsdiqləyib. Yeni səfirin ən qısa müddətə fəaliyyətə başlayacağı bildirilib.
6o yaşlı Diriöz Türkiyənin ən təcrübəli diplomatlarından sayılır və 1978-ci ildən ölkənin xarici işlər nazirliyində fəaliyyət göstərir. 2004-2008-ci illərdə İordaniyada səfir kimi fəaliyyət göstərib. 2010-2013-cü illər ərzində NATO-nun müdafiə siyasəti planlama üzrə katibinin köməkçisi olub. 2013-cü ildən Türkiyənin Braziliyada səfiri postunu tutur.
Xatırladaq ki, 2014-cü ilin oktyabr ayından Türkiyənin Rusiyadakı səfiri Umut Yardım olub.
Hikmət
Ölkə.Az
