ABŞ iranlı qızın edamını pislədi
ABŞ hökuməti iranlı qızın onu zorlamaq istəyən keçmiş kəşfiyyatçını öldürməkdə suçlu bilinərək edam edilməsini pisləyib.
Bu barədə Dövlət Departamentini rəsmisi Cen Psaki açıqlama verib.
“Biz Reyhanə Cabbarinin bu səhər həyata keçirilən edamını pisləyirik. Bu məhkəmə prosesinin ədalətliliyi ilə bağlı ciddi narahatlıqlar var” – deyib Departament nümayəndəsi.
Xəbər verildiyi kimi, 26 yaşlı R. Cabbari ölkənin Kəşfiyyat Nazirliyinin keçmiş əməkdaşını öldürdüyünə görə şənbə günü asılıb. Edam qərarı gənc qızın əfv edilməsi ilə bağlı çoxsaylı beynəlxalq müraciətlərə baxmayaraq yerinə yetirilib.
Cabbari hələ 2007-ci ildə mühakimə edilib. Onun sözlərinə görə, bu, yalnız özünümüdafiə olub, çünki kişi onu zorlamağa çalışıb. (musavat)
Ölkə.Az
