Üçüncü dünya müharibəsi neçə dəqiqə çəkəcək?

ABŞ, Çin və Rusiyanın daxil olacağı üçüncü dünya müharibəsində nüvə silahının istifadə ediləcəyinə inam günü-gündən artmaqdadır. Üçüncü dünya müharibəsi çox sürətli və amansız olacaq.

Bu barədə Qərbin nüfuzlu "Inquisitr" portalı maraqlı xəbər paylaşıb. Xəbərə əsasən, Amerika hərbi generaliteti düşünür ki, ABŞ-NATO ilə Rusiya və Çin arasında konfliktin müddəti cəmi bir neçə dəqiqə ola bilər.

Əvvəllər Amerika quru qoşunları ordusunun ştab generalı Mark Milli bəyan etmişdi ki, böyük dövlətlər arasında müharibə qaçınılmazdır. Konfliktdə süni intellekt və yüksək dəqiqliyi olan silahlar əsas silah vasitəsi kimi istifadə ediləcək. Bu vasitələrdən istifadə isə müharibənin bir neçə dəqiqə ərzində başa çatmasına səbəb olacaq.

Amerikalı general Uilyam Hiksin fikrinə görə isə, yaxın gələcəkdə baş tutacaq olan müharibə çox qanlı və sürətli olacaq. Gələcəkdə texniki proqress çox inkişaf edəcək. Maşınlar və insanlar arasında fərqli münasibət yaranacaq. Texnika çox sürətli işləyəcək və bir çox məsələlərin həllini öz üzərinə götürəcək. Bu isə bəşəriyyətə qarşı mənfi nəticələrə səbəb ola bilər.

Hələ ki dünyada daha zəif qlobal konfliktlər baş verir. Bu konfliktlərdə böyük dövlətlər maraqlarını qoruyur və dolayı yolla iştirak edirlər. Ukrayna, Suriya və Sakit okean məsələləri bu konfliktlərə aiddir. Bütün bu konfliktlər dolayı hərbi əməliyyatlar teatrıdır. Bu teatr isə ABŞ, Rusiya və Çin arasında yeni silahlanma yarışına səbəb olacaq. Bu dövlətlər ən yeni və effektiv silahlı texnika istehsal edəcək.

Hikmət
Ölkə.Az