"Rusiya bütün bəşəriyyətin və Ermənistanın düşmənidir"

Yerevanda Kollektiv Təhlükəsizlik Şurasının sammiti keçirildi. Ermənistanın bu təşkilata üzvlüyü özünü doğrultdumu?

KTMT ötən illər ərzində Ermənistanla bağlı öhdəliklərini yerinə yetirdimi? Müxtəlif dövrlərdə Ermənistan sərhəddində toqquşmalar baş verdi. Amma KTMT tərəfindən heç bir reaksiya baş vermədi. KTMT-nin baş katibi Ermənistan nümayəndəsi seçildikdən sonra, inkişaf gözləmək olarmı?

Bu suallara "Milli müqəddəratı təyin etmə" cəmiyyətinin lideri Paruyr Ayrikyan cavab verib.

Onun sözlərinə görə, beynəlxalq strukturlar iki prinsip əsasında formalaşır. Bunlardan biri dəyərlər, digəri isə iddialı imperiya maraqlarıdır.

Avrasiya iqtisadi birliyi yeni ittifaq kimi formalaşsa da, orada dəyərlər yox, problemlər var. Bu problemlər iqtisadi aktivliklə əlaqədardır.

60 il bundan öncə qurulmuş Avropa Şurasında isə dəyərlər, insan hüquqları və demokratiya var. Bu mövqedən KTMT və Rusiyanın iştirak etdiyi digər strukturlara baxanda görürük ki, bu təşkilatların əsasında Rusiyanın iddiaları durur. Əgər struktur imperiyaya məxsusdursa, bunun faşist, alçaq vahid olduğunu söyləmək haqqımız var.

Məsələn, niyə Ermənistan təbii qaz üçün Ukrayna ödəyən məbləğdən iki dəfə çox ödəməlidir? Halbuki Ukrayna Rusiya ilə münaqişədədir. "Dost" Rusiya nəinki təbii qazı Ermənistana iki-üç dəfə baha satır, eyni zamanda digər rıçaqlardan istifadə edərək digər bazarlara çıxmağa imkan vermir.

Bütün bunlar Rusiyanın başqa məqsədləri olduğunu göstərir. Rusiyanın sabah hansı mövqedən çıxış edəcəyi məlum deyil, amma bu gün Rusiya bəşəriyyətin və Ermənistanın düşmənidir.

Hikmət
Ölkə.Az