Hitlerin doğulduğu ev sökülür
Avstriya höküməti Braunau-am-İnn şəhərində Adolf Hitlerin doğulduğu evin sökülməsinə dair qərar verib.
Bu barədə ölkənin Daxili işlər naziri Volfqanq Sobotka bildirib.
Onun sözlərinə görə, evin zirzəmisi çox güman ki qalacaq, lakin üstdən yeni bina ucaldılacaq. Yeni tikili ya xeyriyyə təşkilatı, ya da dövlət qurumu tərəfindən istifadə olunacaq.
Qeyd edilir ki, evin söküntüsü artıq şəhərin icra hakimiyyəti ilə razılaşdırılıb, lakin bununla belə yekun qərarı ölkə parlamenti verməlidir. (oxu.az)
