Türkiyə Mosul əməliyyatında iştirak etmək üçün razılıq əldə edib

Koalisiya qüvvələri artıq Mosulun 10 kilometrliyindədir.

Ölkə.Az xəbər verir ki, Türkiyə dövləti beynəlxalq koalisiya ilə aparılan danışıqlar nəticəsində Mosulun terrorçulardan azad edilməsi əməliyyatında iştirak edəcək.

Ankarada parlament iclasından sonra jurnalistlərə müsahibə verən Türkiyənin baş naziri Binəli Yıldırım bu barədə məlumat verib:

"Ehtiyac yarandığı təqdirdə bizim silahlı qüvvələr Mosul əməliyyatında iştirak edəcək. Əsas olan bu koalisiyaya qoşulmaqdır. Türkiyənin bu əməliyyatda iştirakına dair prinsipal razılaşma əldə edilib".

Türkiyə prezidenti Erdoğan isə bildirib ki, Türkiyənin bu əməliyyatda iştirak etmək üçün real səbəbləri var. Türkiyə-İraq sərhəddinin uzunluğu 350 km-dir və ölkə bu istiqamətdən gələn təhlükə ilə üz-üzədir.

Hikmət
Ölkə.Az