Atatürkün məzarını partlatmaq istəyən İŞİD terrorçusunun şəxsiyyəti məlum oldu

Türkiyənin paytaxtı Ankara şəhərində Atatürkün məzarını partlatmaq istəyən İŞİD terrorçusu zərərsizləşdirilib.

Ölkə.Az xəbər verir ki, səhər saatlarında paytaxtda keçirilən əməliyyat nəticəsində terrorçu öldürülüb. Bir neçə saat əvvəl isə, terrorçunun ərazidə kəşfiyyat işləri apardığını sübut edən fotolar yayılıb.

Ankaranın Eryaman səmtində baş tutan əməliyyat nəticəsində ölü olaraq ələ keçirilən İŞİD terrorçusu 1992-ci ildə Diyarbəkirdə anadan olmuş Ahmet Balık adlı Türkiyə vətəndaşıdır.

Xatırladaq ki, hüquq-mühafizə orqanlarının keçirdiyi əməliyyat nəticəsində Eryaman məhəlləsində bir binada gizlənən terrorçu zərərsizləşdirilib. Terrorçu əvvəlcədən Atatürkün məzarı və keçmiş Milli Məclisin önündə kəşfiyyat işləri aparıbmış.

Hikmət
Ölkə.Az