Cinayət aləminin baş mühasibi

Qanuni oğru Zaxariy Kalaşov Rusiya kriminal aləminin üzvləri arasında pul bölüşümünə nəzarət edib.

Ölkə.Az xəbər verir ki, kriminal aləmdə Şakro Molodoy adı ilə tanınan Zaxariy Kalaşovun cinayət işində bu barədə məlumat verilib. Cinayət işinə görə, Kalaşov Rusiya kriminal aləminin rəhbəri kimi aşağı struktur və bölmələrin rəhbərlərini təyin edir və onlara nəzarət edirmiş.

İstintaqın qənaətinə görə, Şakro Molodoy mütəşəkkil cinayətkar birliyin rəhbər və iştirakçılarına sərəncamlar verib. Bu əmrlərin icrası mütləq həyata keçirilməli idi. Eyni zamanda o, cəmiyyətin cinayətkar fəaliyyətinin müxtəlif mənbələrdən maliyyələşməsini də planlaşdırıb və təmin edib.

Müstəntiqlərin versiyasına görə, belə təşkilatlardan birinin lideri Andrey Koçuykov olub. Andrey kriminal aləmdə "İtaliyalı" ləqəbi ilə tanınırdı. Kalaşov və Koçuykov Moskvanın "Element" restoranının sahibindən 8 milyon rubl pul tələb etdikləri üçün həbs ediliblər.

Hikmət
Ölkə.Az