İstanbulda İŞİD terrorçuları həbs edildi

İstanbulda həyata keçirilən İŞİD əməliyyatında Hələb vətəndaşı olan 3 nəfər həbs edilib.

Ölkə.Az xəbər verir ki, ələ keçirilən terrorçular üzərlərinə quraşdırılmış bombaları partlatmaq istəyiblər.

Terrorçuları həbs etmək üçün İstanbulun Esenyurt, Küçükçekmece, Kağıthane səmtlərində əməliyyatlar keçirilib.

İstanbul Terrorla Mübarizə Şöbə Müdürlüyünə daxil olan məlumata əsasən, İŞİD terror təşkilatı İstanbulda ard-arda canlı bomba aksiyası planlaşdırıb.

Güc strukturlarının fəaliyyəti nəticəsində suriyalı Muhammed Hayır R, Ukeyl Halil E və Ahmed H-nin şəxsiyyəti müəyyənləşdirilib. Əməliyyat nəticəsində terrorçular həbs edilib.

Hikmət
Ölkə.Az