Fətullah Gülənin ekstradisiyası üçün yeni dəlillər ABŞ-a təqdim ediləcək

Türkiyənin Ədliyyə Naziri Bekir Bozdağ sabah ABŞ-a səfər edəcək.

Ölkə.Az xəbər verir ki, səfərin məqsədi FETÖ terror təşkilatının lideri Fətullah Güləni Türkiyəyə qaytarmaq üçün keçiriləcək görüşlərdə iştirak etməkdir.

Nazirin bu görüşlərdə yeni dəlillər təqdim edəcəyi bildirilir. ABŞ səfərində Bozdağdan başqa, Türkiyə Millət Məclisinin ədalət komissiyasının sədri İyimaya, hakim partiya ilə yanaşı CXP və MHPli deputatlar da iştirak edəcək.

Proqrama əsasən, Bekir Bozdağ çərşənbə günü ABŞ ədliyyə naziri Loretta Linç ilə də görüşəcək. Görüş zamanı Fətullah Gülənin qaytarılması üçün ABŞ-a göndərilən 4 ayrı ekstradisiya dosyesi haqqında məlumat veriləcək və sənədlərə aid istintaq çərçivəsində əldə edilən yeni bilgi və sənədlər də təqdim ediləcək.

Hikmət
Ölkə.az