İraq: Türkiyə Mosul əməliyyatında iştirak etmir
Türkiyə ordusu Başikada İŞİD hədəflərini bombaladı.
Ölkə.Az xəbər verir ki, rəsmi Bağdad əməliyyatda heç bir türk əsgərinin iştirak etmədiyini iddia edib.
İraq ordusundan verilən açıqlamada, Türkiyənin Mosul əməliyyatında iştirak etdiyinə dair iddiaların gerçək olmadığı bildirilib. İraq ordusunun müştərək hücum mərkəzinin mətbuat xidməti əməliyyatlarda türklərin iştirak etmədiyini söyləyib.
Rəsmi Ankara isə dünən Başika kampında olan hərbi birləşmələri ilə Mosul əməliyyatında iştirak edən peşmərgələri dəstəklədiyini, Mosul ətrafındakı İŞİD hədəflərinin bombalandığını bildirmişdi.
Mosulun şərqində yerləşən Başika hərbi bazası Ankara və Bağdat arasındakı münasibətlərə təsir edir. Rəsmi Bağdad Ankaradan hərbçilərini ərazidən çıxarmağı tələb edir və bu məsələ ilə əlaqədar olaraq BMT-yə şikayət edib. Bundan əlavə, Başikada təlim keçilən əsgərlərin komandiri keçmiş Mosul valisi Esil Nuceyfi haqqında da həbs qərarı çıxarılıb. Onun Türkiyəyə kömək etdiyi iddia edilir.
Mosul əməliyyatı çərçivəsində isə, İraq ordusu və peşmərgə silahlıları 9 kəndi İŞİD-dən azad edib. Son 24 saat ərzində yüzlərlə İŞİD terrorçusu məhv edilib.
Hikmət
