4 ədəd türk F-16 qırıcısı koalisiyaya qoşuldu

Türkiyə xarici işlər naziri Mevlüt Çavuşoğlu Mosul əməliyyatı çərçivəsində 4 ədəd F-16 qırıcısının koalisiya qüvvələrinə havadan dəstək verdiyini açıqladı

Ölkə.Az xəbər verir ki, Fransa xarici işlər naziri ilə birlikdə keçirdiyi mətbuat konfransında Çavuşoğlu vacib açıqlamalar verib. Konfransda Mosul əməliyyatı barədə məlumat verən nazir bildirib:

"4 ədəd F-16 qırıcısı koalisiya qüvvələrinə havadan dəstək verəcək. Basikadakı hərbi kontingentimiz Mosul əməliyyatına qədər 700-dən çox İŞİD terrorçusunu məhv edib. Əməliyyat başlayandan bu günə qədər top atışları ilə 20 terrorçunu məhv etmişik. İraqın ərazi bütövlüyü və istiqrarı bizim təhlükəsizliyimiz qədər vacibdir. İndi də Sincar şəhərini ikinci Qəndilə çevirmək istəyirlər. Biz PKK-nın İraqdakı təşkilatlanmasına daha aktiv müdaxilə edəcəyik. Onların burada təşkilatlanmasına icazə verməyəcəyik".

Hikmət
Ölkə.Az