Amerikaya uçan Bekir Bozdağın çantasında Fətullah Gülənə qarşı

Dünən də xəbər verdiyimiz kimi, Türkiyənin Ədliyyə Naziri Bekir Bozdağ FETÖ terror təşkilatının lideri Fətullah Gülənin ekstradisiyası ilə bağlı məsələləri müzakirə etmək üçün ABŞ-a yollanıb.

Ölkə.Az-ın əldə etdiyi məlumata görə, Bozdağ ABŞ-ın Ədliyyə naziri Loretta Linç ilə görüşəcək və ona yeni faktlar təqdim edəcək.

Bozdağın çantasında olan faktlardan bir qismi bunlardır:

Fərari Adil Öksüz hərbi çevrilişdən əvvəl Pensilvaniyaya gedib və planı Fətullah Gülənə təsdiqlədib.

- Təsdiqləmədən sonra onun Türkiyəyə qayıtdığı, hərbi bazada hərbi çevriliş cəhdini təşkil etdiyinə aid telefon və ByLock səsyazmaları, pasport qeydləri və ifadələr;

- Gülənin Öksüz və qruplaşma imamları ilə olan münasibətinə aid qeydlər;

- Təşkilatın beyin mərkəzinin ByLock adlı telefon sistemindən istifadə etdiyini, bu sistemin sırf nurçular üçün nəzərdə tutulduğuna aid sənədlər;

- FETÖ cinayət işinə görə həbs edildikdən sonra günahlarını etiraf edən hakim Suzan Polatın axtarışda olan əri polkovnik İlhami Polatla telefon danışığı: "16 iyul. Məni bağışla, Əmr böyük yerdən, Fətullah Güləndən gəlib" dediyinin səs yazısı;

- Prezident Ərdoğana qarşı sui-qəsd cəhdi ilə bağlı ortaya çıxan sübutlar;

- Fətullahın 1970-ci illərdən bu yana sistemə sızdığı və dövlətə yerləşdirdiyi adamlarını "abi-abla" sistemi ilə idarə etdiyini sübut edən faktlar;

- Gülən camaatının önəmli şəxslərinin böyük bir hissəsinin çevrilişdən əvvəl xaricə qaçması;

- ByLock, Eagle, 1 dollar kimi təşkilata aid proqram və simvollar;

- Üsyançıların Baş qərargah rəisi və rütbəli şəxsləri dinlədiyi, bu dinləmələri lazımi yerlərə ötürdüklərini sübut edən faktlar var.

Hikmət
Ölkə.Az